Cynilwyr Ysgol
Mae Clybiau Cynilwyr Ysgol Undebau Credyd Cymru yn ffordd ymarferol a hwyliog o helpu plant i ddysgu cyfrifoldeb ariannol.
Undebau Credyd Cymru Cynilwyr Ysgol
Mae Clybiau Cynilwyr Ysgol Undebau Credyd Cymru nid yn unig yn annog plant i ddod i’r arfer o gynilo ond hefyd yn eu helpu i ddatblygu eu sgiliau rhifedd a’u dealltwriaeth o gyllid personol.
Yn cael eu rhedeg mewn ysgolion cynradd ac uwchradd, gellir sefydlu’r cynlluniau cynilo gyda chydlynydd o’ch undeb credyd lleol. Unwaith y bydd y clwb ar ei draed, mae fel arfer yn cael ei drefnu gan y disgyblion eu hunain fel arianwyr iau o dan oruchwyliaeth athro, aelod o staff yr ysgol neu riant. Mae’n ffordd wych o roi cyfrifoldeb i blant a’u helpu i ddysgu sgiliau trefnu yn ogystal â hybu rhifedd ac ymwybyddiaeth ariannol.
Sefydlu clwb
Ni chodir tâl ar yr ysgol am sefydlu clwb cynilo. Darperir yr holl adnoddau, hyfforddiant a chymorth parhaus gan yr undeb credyd.
Gall disgyblion gynilo cyn lleied ag y dymunant oherwydd cyn bo hir mae pob ceiniog yn adio i fyny. Efallai eu bod yn cynilo ar gyfer trip ysgol, gwario arian ar gyfer gwyliau haf neu gêm newydd? Fel oedolion, rydyn ni’n gwybod bod aros a chynilo am yr eitem yn ei gwneud hi’n well fyth pan fyddwch chi’n ei chael!
Ynghyd â helpu plant i ddysgu’r cysyniad o gynilo, mae gan y clybiau fuddion eraill gan gynnwys:
- Sgiliau rhifedd;
- Cadw cyfrifon a chyfrifyddu sylfaenol;
- Cadw cofnodion;
- Gwaith tîm;
- Sgiliau trefniado.
Nid yn unig y mae hwn yn gyfle gwych i ysgolion gael effaith gadarnhaol ar greu ethos ariannol da ar gyfer cenhedlaeth y dyfodol, ond mae hefyd yn cael ei groesawu gan arolygwyr ysgolion.
Os oes gennych ddiddordeb mewn sefydlu Clwb Cynilwyr Ysgol yn eich ysgol e-bostiwch enquiries@creditunionsofwales.co.uk.